港台訪問財爺唐英年母親唐尤淑圻，節目本周日母親節上午出街，呢位唐媽媽大有機會成為未來特首之母，訪問內容都幾有娛樂性。
唐媽媽於節目中回憶，當年唐少爺十幾歲去美國留學，臨行前媽媽同佢一齊去百貨公司打點買衫，點知個售貨員竟然以為唐媽媽係佢老婆。佢笑住話，遲啲唐少可能會怕人以為阿媽係佢個妹。
咁又係，做財爺分分鐘未老先衰，做特首重辛苦。唐媽媽沒正面答贊唔贊成個仔做特首，只係話特首董建華真係慘，睇住佢愈做愈老。
講開家教，唐媽媽話自己堅持兩樣嘢，一係正確嘅揸筷子方法，因為係中國人，另一樣係仔女細個食飯，一定要食晒媽咪夾嘅菜，先可以再夾餸，目的係唔好養成偏食習慣。
傳真︰2623-9278
電郵︰