大鬧旅遊局漠視名人訪港
鄧永鏘向政府索千萬娛樂費

鄧永鏘在國際名氣界人脈甚廣，近日數位國際時裝設計師旋風式到港，他都一盡地主之誼招呼他們。前晚鄧永鏘出席癌病基金活動時，譏諷香港特區政府及旅遊發展局忽視香港國際化都市形象，他還幽默地笑言應該向特區政府作一千萬，作為款待的娛樂費。

中國會老闆鄧永鏘（David）和太太LucyWastnage、葉劍波傅明憲夫婦、廖碧欣、腹大便便的駱卓怡、艾永玲和郭志怡等，前晚到國際金融中心二期新意大利餐廳「Isola」，出席珠寶品牌deGrisogono為香港癌病基金舉行的籌款晚宴。

「應該出錢畀我」
鄧永鏘甫出現，記者即讚賞他在國際名氣界人脈廣博，MiucciaPrada、GiorgioArmani以及去年搖滾勁旅TheRollingStone及DavidBowie來港時，他都熱情款待，一盡地主之誼，對此鄧永鏘妙語連珠地說：「冇用吖，香港爛鬼旅遊局唔當一回事，佢哋鍾意睇中國國家體操隊，舞蹈團當係寶，即係董建華去嗰啲呢。」
當記者讚賞鄧永鏘的朋友均非常國際性時，他則笑說：「係幾國際性，好多人鍾意香港就係佢夠國際性，不過唔好搞我，攰到我不得了。上個禮拜先帶馬卓安去遊船河，香港政府應該出錢畀我，不過周梁淑怡好孤寒，唔會肯。」

「個個都使我錢」
問鄧永鏘想收多少錢作為酬勞時，他說：「最少都要二、三十萬一個月，當entertainmentfee，個個都去我間中國會食飯，個個都使我錢，唔通叫佢哋埋單咩，我諗我都要向特區政府作一千萬啦！」
而同場的傅明憲，是夜與好友葉梁美蘭不約而同用上動物為題的手袋，傅明憲選購了最愛的西施小狗形JudithLeiber手袋，葉梁美蘭則用上美國品牌Rafe的雀鳥形手袋。
採訪：DebbieLum
攝影：ChenWaiOn