「我最緊要係有一部手提電話，新舊都冇所謂，咁樣搵嘢做就方便得多。𠵱家如果我日頭出咗去搵工，就算有人有心請我，都搵我唔到，你估佢哋重會寫信通知我咩？」阿佳苦惱地說。
四十九歲的阿佳多年前離婚，兩名女兒跟隨前妻生活，現已成年。阿佳原職粥麵店師傅，農曆年前失業，至今未能覓得工作，一度要在荃灣街頭露宿。日前他獲社會福利署發放綜援，才有錢租住深水埗一個板間房，告別餐風宿露的日子。
「我唔止一次試過露宿，之前我冇嘢做就冇錢交租，向社署申請綜援又要成個月時間，其實有能力我都唔想求人哋幫忙。」阿佳歎道。
失業數月的阿佳一直未有放棄自食其力的念頭，日間他大部份時間都會到圖書館看免費報紙搵工，惟因他沒有手提電話，以致往往「得個見字」，全部沒有回音，令他感到氣餒。他盼善長能夠捐贈一部手提電話給他，新舊不拘，只要操作正常便可。
另外，於本月初遷入新居的阿佳，沒錢購買電器應付日常需要。本報日前已先將一個全新的電飯煲贈給他，現他仍欠電視機及電熱水器，有待善長捐贈。
捐款編號：C1360
暖流熱線
電話：29908688
傳真：23702192
電郵：
網址：