司馬燕（原名韓小玲）的胞兄韓樹雄，前日公開向梅艷芳胞兄梅啟明追討欠債一百六十萬元，梅啟明昨日否認欠債一事，他表示當中牽涉了一名姓黃男子，那名男子亦欠下梅啟明二百萬元。梅啟明說：「等我辦完個妹遺產嘅事，我一定會搵佢解決呢件事。」
不過韓樹雄昨日說：「我唔介意同梅啟明當面對質，佢話爭佢錢係姓黃嗰個人，我根本唔識亦冇見過，如果佢唔正視呢件事，唔排除我會法律追究，我亦會繼續爆料。」司馬燕昨日亦力撐其兄，她說：「咁佢（梅啟明）爭人錢就梗要還，我哥哥因呢件事好唔開心。」
此外，梅媽日前接受港台錄音訪問，講述阿梅後父，她說：「以前我辦歌舞團，好多人送金又送禮嚟，你估啲人畀兩個小朋友咩，係對我有意思，但我唔想咁做，所以當時搵咗個歌頭嚟頂替，做咗擋箭牌幾十年，同人哋講係阿梅老竇，阿梅都知，佢又成日俾人唆擺，一出道時就唆擺佢搬屋，我同佢買間樓都賺錢㗎，但佢賺嘅錢點使我唔理。」
採訪：比華利