林嘉欣和李心潔前晚齊齊出席電影《救命》的慶功宴，二人與星皓老闆王海峰等合共捐出三萬五千元現金抽獎。對於《救命》票房理想，林嘉欣和李心潔都表現得十分興奮，二人更拿着香檳作狀「吹喇叭」。
林嘉欣、李心潔、何超儀和內地演員田原等人，前晚齊往尖沙嘴出席電影《救命》慶功宴。為了慶祝票房反應理想，王海峰即場拿出一萬元作抽獎禮物，而導演羅志良、監製鄭丹瑞和主角林嘉欣、李心潔與許志安亦各自捐出五千元，一眾演員又開香檳，不過李心潔和林嘉欣都只是作狀「吹喇叭」。
林嘉欣談到周永恆日前涉嫌藏有違禁藥一事時說：「我希望佢冇事，呢件事畀佢知道，懲罰係好大嘅，我同佢同一間經理人公司，佢係年紀最細嘅一個，大家都當佢細佬一樣，我都叫咗同事代為問候。」
而早前患上腸胃炎的李心潔病後初愈，看來消瘦了不少，她表示雙親和男友彭順都十分擔心其健康。
李心潔即將與黃秋生合作新片《頭條新聞》，對於二人被指是美女與野獸組合，李心潔說：「秋生都好型，佢好man。我喺戲中同秋生、Edison（陳冠希）有三角關係。之前電影《想飛》秋生扮我男友阿爸，Edison扮男友細佬，𠵱家呢套新片關係唔同晒。」
此外，對於盧巧音日前公開指摘周永恆的女友趙頌茹大難臨頭各自飛，何超儀前晚開玩笑地說：「Candy成日都咁𤷪𤺧，佢躁狂，我會同佢練氣功，補吓啲氣。」
採訪：陳梅香
攝影：陳烱威
