周麗淇、張智霖及余文樂昨日到銅鑼灣中央圖書館為「給愛滋病的回憶」巡迴相片展擔任開幕及頒獎嘉賓。
周麗淇自言性知識貧乏，她說：「我只知愛滋病係經性接觸同胎兒感染，我希望可以做愛滋病推廣大使，教小朋友呢方面嘅知識。」周麗淇小時候更以為親吻便會懷孕，她又說：「我連細個第一次嚟月經都唔敢講畀阿媽知，靜靜雞偷阿媽啲衞生巾嚟用。」
張智霖表示他早前首次做身體檢查，才發現心臟有問題，他說：「我心臟有條神經線塞咗，唔係好大件事嘅，只係會突然死亡，醫生話冇得醫，冇得預防。」張智霖謂他本打算學潛水但最終都打消念頭，他亦為自己買下保險，問到受益人是否袁詠儀，他說：「好多人，重有媽咪。」
採訪、攝影：魯萍