末代港督彭定康做完歐盟對外事務專員，原本以為佢會叠埋心水做其牛津大學校監，點知英國《金融時報》爆料，話肥彭政途可能更上一層樓，做埋歐盟委員會主席個位，接替就快夠鐘嘅普羅迪，報道重話有歐盟成員國已經非正式傾過肥彭個提名，好多成員國好支持肥彭坐呢個位。
雖然肥彭冇回應呢單報道，重話𠵱家仍然會做其牛津校監，但有同呢位「千古罪人」交過手嘅立法會議員話，肥彭絕對夠班做歐盟話事人。但令人感到政治變幻莫測嘅係，鬧佢「千古罪人」嗰班官京，全部都已經離開政治舞台，反而肥彭重愈玩愈坐得高位。
傳真︰2623-9278
電郵︰