曾志偉在娛樂圈工作數十載，不時傳出緋聞，最近又跟影壇新人林苑傳緋聞，志偉與太太長期分隔兩地，但她太太和家人從不過問他的緋聞，百分百信任他。
志偉談到跟太太的相處之道說：「我好幸運有一個信任我嘅家庭，雖然太太唔喺香港，但佢成日都嚟探我，我同家人關係好密切，加上一對仔女先後加入咗娛樂圈，佢哋都親身接觸過緋聞，所以好信我，每次有我啲新聞，佢哋都唔會再追問我。」
近日萬人迷球星碧咸（DavidBeckham）最近遭大爆風流性史，志偉可擔心被以前的女伴「𡁻完唱」？他幽默地說：「我完全唔擔心，第一我冇，況且娛樂新聞可信性有幾高，如果真係有人爆我，咁可能幾值得回味！」
曾志偉在訪問後忽然提起長居法國的好友張曼玉（Maggie），他說：「初三嗰日，我同Maggie傾咗好長時間，佢話𠵱家唔鍾意返嚟香港，因為費事益啲狗仔隊，次次返到香港都冇晒自由。」志偉雖在娛樂圈工作多年，但他卻不認同藝人要食得鹹魚抵得渴，當然他也希望藝人亦可有私人空間。