噚日八方見到有牙擦冠軍練馬師之稱嘅簡炳墀，趁機問佢有冇興趣參加今年立法會選舉，簡Sir話唔會參加，但佢位加入咗自由黨嘅乖仔簡永輝，就會拍住自由黨主席田北俊出選新界東直選，佢重爆料話係田少主動邀請佢個仔做拍檔。
雖然簡Sir已經退休，但不脫牙擦本色，佢好自信咁話憑佢嘅人脈關係，唔使點宣傳佢個乖仔都一定surewin贏硬咁話。
一直未肯明確公布參選意向嘅田少今次俾簡Sir無意中踢爆，唔知田少會唔會順水推舟，盡快公布佢嘅參選大計呢？
（圖）簡炳墀（左）細仔簡永輝（右）會拍住田少出選新界東。
傳真︰2623-9278
電郵︰