恒隆地產主席陳啟宗搞咗壇香港發展論壇後，愈來愈高調，日日講嘢口沒遮攔，噚日香港電台播出馬力訪問陳啟宗節目，陳啟宗再爆料，話聽聞老董回歸後曾提出重組政治部，但遭高官阻撓而未能成事，陳啟宗認為任何一個主權國家地區都應該有情治機關，否則掌權當局難以控制大局，「如果冇咗FBI、CIA，日日都有911呀！」
陳啟宗確係商界異數，佢話因為自己唔怕俾人查，冇痛腳俾人捉到，所以可以隨心所欲發言，「你估人人學我咁乾淨企理咩！」陳啟宗咁講有乜微言大義呢？佢自己先知。
傳真︰2623-9278
電郵︰