前政務司司長陳方安生早幾日一喺英國返港，即刻成為頭條人物，佢話對○七冇得普選行政長官唔係好高興嘅言論，重惹嚟好多迴響。噚晚陳太同丈夫去支持香港大學畢業生議會喺數碼港貝沙灣嘅荷李活經典電影《窈窕淑女》慈善首映晚會，佢見到記者就耍手擰頭，話唔講政治。
陳太封口，鄭經翰就封咪，大班證實，星期一會喺節目中交代封咪嘅前因後果，之後會同家人環遊世界。佢噚晚喺45條關注組網上電台話，做咗十年節目，最近覺得透唔到氣，不過強調唔係收山，今年底前會重出江湖。
講番貝沙灣噚晚場首影，見唔到李澤楷，原來佢去咗文化中心捧國內鋼琴神童朗朗場，朗朗落台同楷仔握手，之後重一齊去半島食飯㖭。
（圖）陳太（中）同港大校長徐立之（右）傾偈，唔同記者講政治。
傳真︰2623-9278
電郵︰