鍾鎮濤（阿B）將於八月中第三度做父親，他前晚透露BB女腳頭好，未出世已獲不少禮物和贊助，其中名髮型師KimRobinson會贊助小B女一世免費剪髮。阿Kim每次單剪髮收費也要三千多元，阿B可省回不少錢！
鍾鎮濤、許志安、余文樂、余安安、利嘉兒、陳嘉容和嘉碧儀等前晚在銅鑼灣出席「景福珠寶55周年慶祝晚會」。快將再做父親的阿B早前大讚小B女腳頭好，前晚他又透露名髮型師KimRobinson會贊助小B女一世免費剪髮，阿Kim每次單剪髮收費也要三千多元，不少名媛仍趨之若鶩，連林青霞都是其熟客，阿B今次確實可慳回不少錢。
前晚每位到場的嘉賓均獲贈一隻鑽石表，阿B除得到手表外，珠寶商更送贈一隻BB鞋吊墜給即將出世的小B女。阿B表示女友范姜的預產期於八月中，小女兒雖未出世，但已獲很多贊助，包括名髮型師KimRobinson贊助一世免費剪頭髮及蘭芳園贊助一世飲食等。阿B說：「重有好多朋友認購咗啲BB車同BB床，我阿媽都畀定大利是。」那奶粉尿片有沒有贊助？
阿B說：「都未殺到埋身，我自己搵多啲嘢做好過啦，其實各方朋友有心，唔一定要送，搵我做嘢，等老竇賺畀個女用，贊助得多都唔好意思。」
問阿B究竟范姜會在哪裏生產？他說：「未定，可能喺香港，一定唔會去美國。」至於早前張玉珊透露經楊小娟介紹後，有意找范姜任瘦身代言人，阿B說：「多謝小娟咁熱心，事實上都未傾過，賺錢我都唔反對，但最好我自己賺啦。」問阿B若有人想找BB拍廣告，他考不考慮？阿B說：「有人搵先算啦，到時再傾啦。」
採訪：楊潔雯
攝影：陳偉權
