特首董建華噚日去歡迎解放軍海軍艦艇訪港，忽然興起玩「潛水」，走入潛艇視察。老董潛水喎！對好多香港人係天大喜訊，唔知解放軍哥哥仔會唔會幫吓手送佢一程？
不過一黨專政嘅共產黨，點會咁好死吖，虧嶺南大學經濟系系主任何濼生重好意思喺個論壇上大讚一黨執政有好處，重話只要有開放和包容，一黨制度都可以好民主咁喎！
資深大律師梁家傑同民主黨副主席何俊仁，聽完眼都凸埋。仁哥話，想唔到嚟到大學，重要爭辯一黨有冇好處！梁家傑雖然聲帶發炎，都忍唔住話，一黨執政就冇得監察，何教授嘅觀點「非常新鮮」。
（圖）阿董玩潛水，解放軍喺旁邊幫手送佢一程？
凌樹輝攝
傳真︰2623-9278
電郵︰