因意外導致行動不便的阿龍，全靠妻子阿香的關懷和支持，才有勇氣面對逆境，四十一歲的阿香日前突然因病逝世，令阿龍的情緒再受沉重打擊。「我太太本身有先天性心臟病，但食住藥一直都冇事，我估唔到佢會去得咁突然。」四十三歲的阿龍，憶起亡妻，一臉哀傷。
阿龍表示，上月其妻陪伴他往醫院覆診，途中不慎摔倒，引致中風及心臟病發。「我太太跌親之後就開始唔舒服，之後幾日重起唔到床，我驚起上嚟，就送佢入醫院，先知道佢原來中咗風，而且心瓣發炎，細菌因為好快入侵咗其他器官，雖然做咗兩次手術，但都救唔番。」
阿香於本月五日離世，但阿龍因為未籌足殮葬費，至今仍無法讓她入土為安。「我自己乜都唔識，好彩有義工幫忙，我先冇咁彷徨，不過，𠵱家重係未搞掂一筆骨灰龕同靈位費。」阿龍幽幽地說。
阿龍原本任職三行工人，但十年前一宗工業意外，令他右腳嚴重受傷，夫妻遂靠綜援金生活。阿龍雖可獲社署發放殮葬津貼，但有關資助卻不包括骨灰龕及靈位費用，遂透過露宿者行動委員會向本報求助。
蘋果日報慈善基金了解過阿龍的困境後，已撥款五千五百元，助他繳付亡妻的骨灰龕及靈位費。
捐款編號：C1364
暖流熱線
電話：29908688
傳真：23702192
電郵：
網址：