今年立法會選舉有新搞作，選舉管理委員會容許候選人喺選票上印上所屬政團標誌或個人肖像，但要事先登記，首批可能獲批嘅標誌噚日出爐刊憲，各主要政黨自然有份，亦有一啲意想唔到嘅團體原來都可能參選。有「金牌莊家」之稱、聲言會重出江湖嘅詹培忠，就以「詹培忠投資有限公司」名義登記，其他團體包括香港龍舟協會、香港鮮花零售業協會同旺角區蔬菜批發商會有限公司等。
八方見立會議員朱幼麟用咗隻代表佢自己嘅「飛天豬」做嘜頭，黃宏發就用自己個「靚樣」登記，而代表少數族裔嘅「南方民主同盟」黨主席龍緯汶亦係用自己嘅肖像，睇怕有啲選票將會好似明星閃卡或者公仔紙咁嘞。
傳真︰2623-9278
電郵︰
