郭富城、鄭伊健、朱茵、甄妮、唐季禮和鄭裕玲等昨晚出席某報假灣仔會展舉行的報慶。近日因錢銀轇轕而鬧翻的甄妮及寰宇老闆娘林小明太太，還有年前曾傳為爭藤原紀香而不和的城城與唐季禮，兩對冤家竟同場出現。
不過林太和甄妮昨晚先後到場，並未有碰面。問林太會否覺得錯失良機？林太笑說：「係你哋錯失啫。」對於甄妮公開道歉，林太說：「我知，都原諒佢啦，叫佢唔好搞咁多嘢啦。」
而城城和唐季禮同場出現，城城揚言曾與對方傾談，他說：「大家有傾偈，問吓近況，佢讚我弗咗好多，我哋不嬲都係好朋友。」
鄭伊健則稱稍後會到泰國拍攝彭氏兄弟執導的新片，該片其實講述彭氏兄弟，故他會一人扮演兩角做孖仔。本身是男士護膚品代言人的伊健，昨突然說出由女友梁詠琪擔任代言人的廣告口號「激白、激白」，他說：「因為我做孖仔，其中一個比較中性同白，要激白、激白。」
採訪、攝影：陳梅香
