憑電影《受難曲》而賺到盤滿缽滿嘅米路吉遜（MelGibson），最近又有新搞作，佢計劃拍攝一部關於古代女戰士包迪西亞嘅電影，部戲重被指係女版《驚世未了緣》，呢位女戰士其實係古代不列顛愛西尼人王后，公元六十年佢丈夫死後，佢就領導人民起義抵抗羅馬人，但係最後因戰敗而服毒自殺，唔知呢套女版《驚世未了緣》，會唔會幫米路吉遜攞多兩個奧斯卡獎座呢？