精明消費：
高科技遙控一按掣調校燈光氣氛
諗諗吓，發覺原來屋企使用率最高的家品，一定有今日主角的份兒。可能大家會太過習以為常而將之忽略，但呢個燈掣，我們每日都會接觸幾次。單講花款若然不能提起閣下的興趣，那麼高科技新設計，一個遙控可以控制全屋哪一盞、哪一組甚至是哪種場景模式之啟動，或許會令你有點衝動了解一下人類的智慧及創意吧！
記者：張銘恩 攝影：蔡鴻雯、梁翠妍
模特兒：Selina（RichStrategy）
高科技遙控及感應系列
現時市面最為Hi-Tech的類別，適合對家居外觀以至整體燈光所營造之氣氛要求特別高的人士。以下有遙控開關及紅外線感應兩大類，每款均有其特色，切合個別屋企不同的需要。
萬能遙控配啞黑燈掣 超型變化多
德國Berker出品，需連同接收器一同使用，利用無線電發出訊號（即是可穿牆過壁），可控制開關及調校光暗，適用於石英膽、烏絲膽及光暗光管。可同時控制窗簾開關、SlideProjector等其他儀器，有效範圍約100米。
售價：遙控$940（a）
接收器$1,550（a）
燈掣$1,535（a）
■勁有型的全啞黑燈掣，就可以有八個不同的燈光氣氛。
遙控
燈掣
接收器
小巧流線型
Clipsal旗下的ULTI系列，附有夜光功能的輕觸式按鈕燈掣。可配合無線電遙控器使用，遙控器有5種場景模式，讓用戶輕易預設各種不同燈光組合，亦可用於控制音響器材。
售價：燈掣$1,500(b)
遙控器$1,000(b)
紅外線遙控
較經濟的Clipsal遙控燈掣，組件為一個主控板及一個遙控器。遙控器以紅外線操作（即需直接對準主控板才能接收訊號），兩個記憶功能可預設不同光度，並有延遲漸光及熄燈時間，有效範圍約15米。
售價：$255(b)
特別款式配襯不同家居
只求一個普通開關用途的燈掣，並不代表要揀四四方方的悶款。現時的燈掣無論形狀、顏色同用料都十分考究，基本上你想點襯間屋都可以，只要你花得起！
自動感應防水燈掣 戶外至啱
Berker紅外線感應燈掣，防水設計適用於露台、樓梯等戶外地方，只要有人於面前走過便會自動着燈，隔一段時間又會自動關掉，有效範圍約達16米及220度。
售價：$1,660(a)
小巧慳電
另一款Berker紅外線感應燈掣，適用於室內，有效範圍約達10米及180度，可將有效角度收窄，另外看得悶時可換上Berker其他款式的外殼。
售價：$1,485(a)
連體Lego款
Berker出品，十分趣致的Lego款式，圓形大掣面勁罕有，上格一個開關而下格就有兩個，玩味甚濃。
售價：$265(a)
貴氣雲石 豪宅必備
仿雲石圓面已經夠晒貴氣，再加埋包K金邊真係豪得緊要，中間開關掣設計特別，不過價錢亦較貴。
售價：$1,130(a)
清雅玻璃
以不易碎玻璃造面層的三掣開關，按鈕略微拱起顯出設計細緻，想清簡同時帶點特色，應該好啱心水。
售價：$400(a)
懷舊拉繩設計 至過癮
以拉繩方式作開關，簡直係燈掣款的鼻祖，咪以為已經Out咗，原來歐洲使用者仍然大有人在，而呢隻橙色亦好Retro。
售價：$250(a)
格仔暗紋可換殼
ClipsalE2000系列，格仔暗紋低調而內斂，同系列備有大量其他款式，如石紋、木紋、雨紋等可供換殼，抵玩。
售價：$30(b)
Cyber膠殼
Clipsal千色龍系列，間條透明膠框幾Sharp醒，襯晒現代家居，另外亦有珍珠色、香檳金、黑鑽等多款可供換殼。
售價：$49(b)
LED藍光顯示
Clipsal最新出品，賣點為關掣後的LED藍光顯示燈，而其橫向燈掣設計亦頗獨特，備一至四燈位選擇。
售價：三燈位$117(b)
螢光青綠
英國品牌意大利生產的Hamilton，咁型的塑膠螢光外殼實在難搵，有心人萬物錯過。
售價：$135(c)
黑白六位
Hamilton長形六位掣款，銀灰色外殼配黑、白色開關，一次過控制六盞燈，夠晒整齊。
售價：$288(c)
調校光暗營造氣氛
唔想動輒用千元去安裝組合式燈掣來營造特別氣氛，其實平平哋買個可調校光暗的燈掣亦是可行之法。睇書、工作時可以較光猛，聽音樂或同另一半談心時，又可營造浪漫氣氛！
凹凸三位防跣手
樂聲牌三位橫向款，開關末端設有凹凸位，以防跣手，十分實用。
售價：$70(d)
不銹鋼啞面
Clipsal全銀色不銹鋼款，配埋細細粒開關，營造出幾得意的視覺效果。
售價：$60(d)
輕觸式光暗 至靚色
Berker輕觸式燈掣，想作開關用途可快速按下，若想漸進式調校光暗就可持續按住，可換殼。
售價：$810(a)
粉藍款啱部屋
Hamilton粉藍色款，一邊開關一邊調校光暗，四正整齊。
售價：$495(c)
售賣點：
(a)PASSION28770777
(b)照明設計25737772
(c)現代香港照明公司22340023
(d)偉隆燈飾28931789
銀邊孖位
Clipsal銀殼孖位款，亦是有獨立開關及光暗調校，啱晒MetalFeel的家居。
售價：$337(b)
至平之選
國產T&L塑膠款，紫粉紅襯白色效果柔和，一邊開關一邊校光暗，一嚿水唔使都算抵買。
售價：$102(d)