甄妮、陳國坤、董瑋等前晚在尖沙嘴出席電影《猛龍過江》數碼首映禮，現場還放置了已故影星李小龍的蠟像，眾星都可跟蠟像合照。
昨日凌晨開始在尖沙嘴HMV發售《最強．李小龍電影全集》DVD，據知短短半小時已賣了約七十多套，反應不俗。
甄妮昨日在港台接受節目《開心日報》訪問，她在節目中公開向林太講對唔住，對於寰宇的欠款事件，她說：「唔理公司大小，數目要清楚，畀兩年時間都搞唔到，究竟賣咗幾多隻碟，畀條數我，會計師搞掂啲嘢，成世唔見都得，我好冤枉，最憎人話我講大話，我唔做損人利己嘅嘢，佢鬧我就係損人利己。」
甄妮續說：「喺度，林太，啱又好，唔啱又好，總之對唔住。」但事後她否認自己是認錯，甄妮說：「贏飽佢，佢覺得贏咪贏，連老細張（張耀榮）都叫我唔好再講嘢，我冇做錯，冇做壞事，做乜要我唔講嘢。」甄妮即將舉行演唱會，但因為上次演唱會DVD製作跟寰宇發生爭拗，所以她尚未決定這次個唱會否製作DVD，她說：「盜版問題未解決，我都未決定出唔出。」
採訪：魯萍、胡比 攝影：陳烱威