袁彩雲、李蘢怡和麥浚龍昨日在新城出席《聯Fan極速娛樂王》活動，日前袁彩雲駕車返無綫為新劇《爭分奪秒》開工，發生交通意外，她因而扭傷頸及腰部，而座駕車尾部份則嚴重損毀。昨日向她問及此事，袁彩雲表示已將座駕送往相熟車房修理，她說：「因為要由歐洲訂啲零件過嚟整，預計要整成三個禮拜，維修費要成十萬元。」
由於座駕損毀，目前她要向男友Brian的前女友王敏慧（Marinne）借車使用，她說：「Marinne好大方咁借佢架自動波車畀我，不過架車唔係我男友買畀佢，應該係賣畀佢至真。」問袁彩雲有否叫男友買架新車送予自己，她即笑說：「其實都有咁嘅打算，但重未正式決定。」
