人稱阿周的周樹德，平日在佐敦街頭，只是一個毫不起眼的小販，但在露宿者當中，他就是北斗星的化身，名字響噹噹。別人避之則吉的流浪漢，阿周樂於施予援手，只因他深信人人平等。不過，由阿周與一班義工朋友組成的「露宿者行動委員會」，因為服務需求與日俱增，面臨財政壓力，該會急籌經費，讓服務繼續維持下去。
終日奔波，曬得一身黝黑皮膚的阿周說：「『肚飽唔知肚餓人』，自己細個屋企環境唔好，特別體會到窮人尤其係露宿者嘅淒涼，既然自己𠵱家叫做兩餐溫飽，所以好想出小小力幫吓佢哋。」
五十八歲的阿周，正職是一名小販，他在佐敦售賣床上用品，但作為「露宿者行動委員會」的義務外展工作員，他花在這份「副業」上的時間，絕對比正職為多。
「通常每朝早我會五點幾鐘起身，六點幾開始走勻全港九派飯盒畀啲露宿者，忙完呢轉之後，就睇吓呢班朋友有乜要幫手，可能係陪佢哋睇醫生、帶佢哋申請綜援；下晝我會開檔做生意；不過，晚黑七點幾鐘就要收檔，派第二輪晚飯，所以一日嘅工作都幾忙碌。」
阿周的太太早逝，家人早已移民美國，因此他可以全情投入義務工作，無後顧之憂。更難得是，阿周身邊有一班志同道合的朋友，他們於八十年代中期，組成一個名為「露宿者行動委員會」的非牟利註冊慈善團體，成員包括商人、小販、醫生及神職人員等十多人，主要服務對象為露宿者及弱勢社群。
阿周與「露宿者行動委員會」一班「戰友」是名副其實的「貼錢義工」，不但出力，花錢亦在所不計。「可能近年經濟唔好，多咗人失業要瞓街，我哋嘅工作量愈來愈大，有啲無親無故嘅露宿者過咗身，我哋會幫佢哋辦身後事，棺材、靈位、墓碑、骨灰龕，簡簡單單都要五、六千蚊，呢啲錢政府唔會有資助，所以委員會喺各方面嘅開支都好大，除咗靠會員捐錢之外，亦不斷要搵人贊助先維持到。」阿周歎道。
「露宿者行動委員會」經濟來源主要來自社會人士捐輸，並沒有獲政府任何資助，蘋果日報慈善基金較早前曾撥款五萬元，資助該會推行「免費供膳，暫度難關」計劃，為露宿者及貧病人士提供短期免費飯餐。該會期盼善長慷慨解囊，讓更多孤苦零丁的露宿者感受到人間溫情。
「露宿者行動委員會」捐款編號：C1366
暖流熱線
電話:29908688
傳真:23702192
電郵:
網址：