恆隆集團主席陳啟宗一手揸住本美國護照，以黃面佬偽美國人身份，一邊教港人如何愛國愛港，唔通有支美國旗照住，先可以領會愛國嘅真諦？而原本擁有英、美兩國護照嘅《基本法》45條關注組成員湯家驊大律師，則反其道而行之，十年前已經放棄咗本美國護照，並且已經有心理準備，分分鐘會放棄埋本英國護照。
湯大狀好坦白咁同八方講，當時放棄美國護照，係因為花旗國高達六成嘅稅太重，太太因為有家人在美國，所以頂多咗十年，但最後都頂唔順放棄，結果白白畀多咗十年稅。
今次中國出重鎚，搞到湯狀更認真考慮參選立法會，因此嚟緊連本英國護照都要放棄埋，陳啟宗真係要向班大狀學習，否則點對得住佢所聲稱無限熱愛毒奶粉都有嘅偉大祖國？
另外，呢幾日班大狀收到好多人電郵，叫佢哋去告人大違憲，但大狀們計過唔着數，因為中國一向無法無天，場官司未打就知冇行啦。
（圖）湯家驊認真考慮參選立法會，因此要放棄英國護照。
傳真︰2623-9278
電郵︰