李克勤前晚拍攝新片時，因女臨記NG了四十五分鐘，令克勤等到發呆，幸不少自由行旅客向他索取簽名，令他破呆為笑。克勤還笑言「左麟右李」演唱會分到的錢比譚詠麟少，令他要拍電影搵食。
李克勤前晚於銅鑼灣拍攝電影《六壯士》，劇情講述他在一間VCD舖購物後，門外的途人竟對他發出怪叫，不過跟他同場演出的女臨記，因無法做到導演黃真真的要求，結果足足NG了四十五分鐘，令一直坐在店內等候埋位的克勤發呆。
拍攝期間，吸引不少途經的自由行旅客駐足圍觀，旅客更不時上前向克勤索取簽名，而正等到發呆的克勤亦十分合作，對遊人有求必應。
久未拍攝電影的克勤前晚向記者透露，至今仍未適應拍片生活，他說：「噚晚我至拍完通宵戲，重未慣呀，拍通宵戲都要食香口膠提神。」克勤又笑說：「我好多年冇拍過電影，雖然之前都拍過，但嗰啲係拍咗等於冇拍，睇咗等於冇睇嘅，但今年我會主力拍戲，𠵱家唱歌搵唔到食呀。」記者問克勤「左麟右李」演唱會應為他帶來可觀收入，他聞言不禁爆響口說：「你哋睇我好啫，嚿錢分兩份，我重係細份㖭！」
此外，導演黃真真去年拍電影《六樓后座》時曾與周永恆合作，對於周永恆涉嫌藏毒，黃真真說：「我聽到都好愕然，平時見佢好乖好純，我都唔知點講啦。」
採訪、攝影：娛樂突發組
