韓國師奶殺手裴勇俊，近期喺亞洲人氣好勁，佢經理人公司點都有啲功勞。不過，前日俊哥居然同重有一年六個月合約期限嘅經理人公司解約，俊哥嘅經理人公司就話：「因為公司經營上出咗一啲差錯，導致股市大跌，再加上對於裴勇俊官方網站嘅疏忽經營，讓裴勇俊形象受損，導致無法提供裴勇俊一個良好嘅工作環境，所以經過慎重嘅考慮之後，雙方決定終止合約。」