劉德華早前到泰國拍攝第五輯綠茶廣告，他以劍道教練造型示人，與泰版章子怡對打，又教大班小朋友學習劍道，玩到渾身濕透。
劉德華早前到泰國拍攝綠茶廣告，花了四天時間，在泰國的桂河橋及芭堤雅取景，廣告商投資二千五百萬作宣傳及製作費，又找來一位年僅十六歲、貌似章子怡的泰國模特兒合作。
當華仔甫見「泰版章子怡」時，覺得她是可造之材，本有意簽她來港發展，可惜她只懂泰文，恐怕難溝通，最後華仔還是將計劃擱置。
除了靚女外，廣告中還有一班跟隨華仔學劍道的小朋友，廣告商特地請來一位劍道教練監場，教導眾人正確姿勢。在泰國的三十八度高溫下，華仔穿着在日本訂做的服裝，在大草原上跑來跑去與女角對打，打得汗流浹背，要每隔一小時換掉濕透的內衣。
華仔笑說：「嗰日我最少換咗十次衫，真係熱到暈，後來我重發現自己隻手變咗藍色，心諗乜太熱會中毒㗎咩？原來係我啲汗搞到件衫甩色。當時我亦好驚班小朋友捱唔住會中暑，點知佢哋重強過我，可能泰國人慣咗喺熱天下長大，拍成日都咁龍精虎猛。」
此外，華仔日前已到天竺拍攝新戲《天下無賊》，昨日他在長途電話中說：「呢度重落後過甘肅，內地又有沙士，所以要特別小心，每日去人多嘅地方都戴上口罩。我會特別小心衞生，除咗拍戲，盡量少接觸人群，有時間都休息啦。林家棟就慘少少，佢間酒店房嘅浴室對住個廚房，日日都有大班人睇住佢沖涼，佢都唔知點算好，我亦幫佢唔到。」
