中方一言堂扼殺香港民主普選，廣大市民谷住度氣想拍枱，由45條關注組搞嘅網上電台，今晚就召集全港民主派人馬一齊「熱鬧」中央決定，開咪講嘢嘅都係全港最有影響力嘅人物，包括五名大狀吳靄儀、梁家傑、李志喜、湯家驊同余若薇，重有兩大名嘴鄭大班同黃毓民，加上為人大常委扼殺兩普選險些淚灑當場嘅學者蔡子強同馬嶽，民調專家鍾庭耀，宗教界代表有朱耀明牧師，而街頭戰士「長毛」梁國雄亦會開聲，認真熱鬧。
45條關注組呢個網上電台逢星期五晚上九時開咪，唔好以為業餘性質好兒戲，八方聽過幾次發覺有專業水準，有興趣市民今晚可登入45條關注組個網頁收聽：
com/，佢哋重有條烽煙熱線歡迎市民加入討論：82030336，ICQ號碼為288370896。
（圖）一班大狀今晚召集全港民主派開咪。
傳真︰2623-9278
電郵︰