沉靜一排冇乜動靜嘅九鐵主席田北辰又有新招，田二少上任之後請咗個顧問檢討九鐵嘅薪酬同福利，最近已經做完報告，一直俾人批評薪酬偏高嘅九鐵九位最高薪嘅高層，由今年下半年起率先實施浮薪制，佢哋包括署理行政總裁黎文熹、高級總監詹伯樂等，位位年薪都有四百幾至六百萬，所謂浮薪，就係薪酬可加可減，同乘客滿意程度、鐵路服務質素指標掛鈎，即係話，乘客唔滿意、服務唔好，就隨時要減人工，高層都要浮薪，低層就難免都要「浮生」，顧問對於其他中下層員工，都提出咗啲削減福利嘅建議，相信下一步就會推行。
傳真︰2623-9278
電郵︰