上周末，全新第5代福士Golf車系正式登陸香港，代理並於九龍尖沙嘴某大商場搞咗個大型車展，兩日內除有唔少車迷到場參觀外，筆者聞得新Golf賣車反應亦相當理想，至今收到定單超逾50部；由於首批新車到港數量有限，如果你想擁有的話，就真係要行快一步喇！
唔知是否新Golf掀動關係，筆者側聞有唔少Fans，重向代理打探原有Golf至狠又至頂級嘅R32型號，有無訂車嘅可能。及後經一番查問後，原來呢款限量版跑車，代理重可以向廠方取貨，不僅原有三門版，還可以代訂最新五門掀背型號；惟呢部擁有現今Golf車系至強嘅3.2公升V6引擎，以及6前速手波跟恒式四驅系統嘅辣車，賣價由原來35萬幾躍升至38萬9千，皆因奇貨可居嘛！
記者：陳偉林