利嘉兒和港台DJ周國豐拍拖兩個月以來，其衣着品味在不經不覺間影響了男友，利嘉兒不時選購色彩鮮豔的服飾給周國豐，因她認為色彩可以展示一個人的心情狀況，而周國豐平時只喜歡穿沉色衣服，但自拍拖後，男友對顏色的喜好都受利嘉兒影響。
利嘉兒自從公開跟港台DJ周國豐蜜運後，整個人如沐春風，人逢喜事精神爽，平時喜歡扮靚的利嘉兒，現在一有時間便逛街置裝，除了流連女裝部外，更會順便逛男裝部，為男友添置新裝，她表示男友周國豐只喜歡穿沉色的衣服，但自拍拖後，男友對顏色的喜好都受她影響。
利嘉兒喜歡穿着鮮豔的顏色，她覺得顏色是可以表現一個人的心情，利嘉兒日前說：「我基本上好鍾意色彩多啲嘅顏色，加上夏天好快到，咁樣着會襯番個天氣。周生（周國豐）着衫嘅品味好保守，但同咗我拍拖之後，我之前買咗件橙色衫畀佢，周生都好鍾意。我哋一齊行街時，我發覺佢嘅接受能力都大咗，咁都係一個好嘅改變，因為世界上有咁多種色彩，點解唔嘗試多啲嘢呢？」
利嘉兒跟周國豐拍拖兩個多月，問男方追求期間，有甚麼行動令她很感動，利嘉兒說：「佢係一個好細心嘅人，佢會留意到我鍾意士多啤梨味嘅零食，見我屋企食晒，佢就會靜靜雞買番啲𠱁我開心。而且佢知我獨居，佢出埠嗰陣，都會專登打電話提我閂好門窗，小心出入。我媽咪原來一直係佢嘅忠實聽眾，知我同佢拍拖好開心。」若一百分滿分，利嘉兒表示會給男友九十五分，被扣去的五分則是有待彼此日後的相處觀察。
採訪：比華利 攝影：何國豪
