國企指數噚日一度失守4000關，低見3985，最後收4069，仍跌4.5%。港股亦跌159點，收報12005，成交159億元。
中國銀監會終於證實，曾要求銀行不要在五一之前批出新貸款，以澄清市場上種種揣測。但隨之而來是，何解要五一前，而不是在一兩年內，明日就是五一長假的開始，長假之後是否就可以放款呢？
據國內朋友解釋，中央極可能在五一長假期間有新的宏調政策出台，甚至可能宣布加息，銀監此舉是要銀行等待新政策的公布，讓銀行自行評估貸款風險，減少新政策對銀行體系的衝擊。國企利淡消息可能陸續有來，撈底者要小心，有貨者最好減持。
炒國企的傳統智慧教落，股價唔跌破1元以下，都不可輕言見底，因為對中資熱錢而言，一隻股份抵唔抵買，唔係睇PE或資產值，而係睇股價大小，這種理論看似荒謬，但卻有人信。
東方燃氣（432）與電盈（008）股東會，先後通過電盈向東燃注入地產項目的交易。換言之，電盈好快就會持有東燃逾93%股權，亦即係好快要減持東燃套現，以符合公眾持股量要求。東燃噚日逆市反彈3.7%，收報0.42元，成交達1158萬元。不過，阿虎真係好懷疑東燃能否以高於0.42元配售，而電盈的入股價只是0.18元。
天鷹（1129）前日急挫逾40%，收7.8仙。收市後公布全年業績，虧損收窄至954萬元，業績唔算理想，但亦唔太差，股價噚日反彈9%，收8.5仙。
阿虎