陳慧琳（Kelly）、梁漢文和關心妍前晚在灣仔擔任歌唱比賽表演嘉賓，打頭陣的Kelly透露胞弟陳司翰於下月生日，她打算與一家人到拍攝場地給他驚喜。Kelly說：「佢喺內地拍劇差唔多四個月，好耐冇見，所以諗住一家人去同佢慶祝，畀個驚喜佢。」
另外，同是參加歌唱比賽出身的梁漢文，對於在美國一夜成名的孔慶翔（WilliamHung）有感而發地說：「我唔覺得係件興奮事，流住中國人嘅血，覺得全件事唔係佢自己做主導，係俾人擺咗上去，唔值得光榮，反而覺得好似俾人嘲笑緊，少少悲哀，希望佢下次出碟歌藝有進步啦。」
採訪、攝影：王連連