鄭希怡（Yumiko）最近獲一名牌服裝贊助，她表示每季最少可節省六位數字的服裝費，但因為衣服太多，香閨的地方太少，所以Yumiko計劃搬新屋，夢想之家是複式洋房。
鄭希怡最近獲得MissSixty的新系列Killah贊助衣服，她前晚在銅鑼灣試新衫，先後試了三款靚衫。
Yumiko是全港唯一獲得該品牌贊助的藝人，而且取衣服亦沒有限額，她說：「我鍾意佢哋啲褲夠長，只要配對高踭鞋就顯得對腳好修長，每季我最少慳到六位數字，我哋之前已經合作咗一年，有時都覺得唔好意思，因為次次嚟攞衫都四大袋咁拎走。」
Yumiko有見服裝太多，故有搬屋打算，她說：「我入行之後都搬咗兩次屋，主要係因為太多衫，唔夠地方放，𠵱家我屋企八百呎，除咗睡房，我已有一間房專放衫，另一間留畀媽咪同爹哋嘅房都放埋衫。得閒嘅話我會物色新屋，我嘅dreamhouse係複式洋房。」
以Yumiko現在的經濟能力，買樓可謂綽綽有餘，但她卻反問記者：「你點知呀？」
此外，Yumiko表示下月會考車牌，她說：「我希望可以一次過pass，咁樣我可以揀住得遠啲，多啲選擇，地方又大啲。」
採訪：駱華齡
攝影：陳烱威
