由PS年代已經登場嘅《獸化格鬥》系列（BloodyRoar），以人類變身各式猛獸打餐飽做賣點，有別一般格鬥Game，令機迷頗為受落。上集移師XBOX反應平平，新作回歸PS2平台，務求以超靚畫面及新加模式吸引機迷。]
記者：徐影龍
《獸化格鬥4》大部份角色沿用舊作，如Yugo狼人、Alice兔仔、Jenny蝙蝠等，全部均可變身成兇惡無比嘅獸人，而且除普通獸化外，今集重可變身成「超獸化」，即係擁有更多招式及必殺技，令戰鬥更為精采過癮。為咗令機迷更為過癮，今集重將血腥表現提升，如兔仔作咬人攻擊時，將會血花四濺，好有快感，難怪被列作「18歲以上對象」。
除單打模式，《獸化格鬥4》亦順應格鬥新潮流，加入2對2隊際式比賽，令戰鬥有更多變化，亦為考究戰略上嘅運用。除一般對戰模式外，重新加入一個名為CARRER嘅模式，主要玩角色育成，不斷儲經驗值升LV外，重會獲得新嘅特殊能力，令機迷可重點培育喜愛嘅角色，變相令遊戲壽命大大延長。順帶一提，特別版將有小倉優子扮豹妹嘅獸化卡附送。
相關網址：
