鄭中基在新戲的角色造型又多又搞笑，他卻笑言自己性格其實很內斂，故演出甚具挑戰性。其中鄭中基以「印度西施look」，學《如來神掌》中「萬佛朝宗」的手勢，甚為騎呢。
鄭中基主演的新戲《我要做Model》日前煞科，現定於六月中上映。雖然鄭中基已憑《龍咁威2003》成為千萬票房男星，但電影公司為求新戲大賣，提早一個月便開始宣傳，近日已在各戲院張貼海報。
只見鄭中基大頭相上，有一束鬈曲的鼻毛從鼻孔凸出來，教人忍俊不禁。鄭中基日前對記者說：「其實拍呢套戲挑戰性好大，個角色要換好多造型，性格又姣，同我本人差異好大，話晒我份人都叫做穩重內斂嘛。」
鄭中基表示覺得戲中以「鴨鴨西裝look」及「印度西施look」最惹笑，美術部人員還將這兩款造型以電腦效果加上外太空感覺及七彩花園背景，當作掛畫放在片場的大宅作主景。鄭中基說：「本來只係道具，我睇睇吓覺得得意，咪提議攞嚟宣傳用囉。你睇吓印度look嗰張，我舉起個萬佛朝宗手勢，in到痹呀，加上個髮型同服飾，我恐防會成為印度今年嘅流行造型指標。」
至於「鴨鴨西裝look」原來是經過專人加工，十分矜貴。話說這套西裝送到片場時，只不過是一件普通白西裝，服裝指導把鴨圖案印水貼紙貼在西裝上，因拍攝時間緊迫，鄭中基、森美及林嘉欣等演員也一同幫忙，鄭中基說：「森美佢哋放棄休息時間幫手玩印水紙，真係唔該晒佢哋。」
