五一黃金周在即，本地商戶等待內地旅客嚟港消費，亦有銀行界利用假期推廣，滙豐銀行噚日公布，邀請旗下投資客戶出席五一當日喺金鐘港麗酒店嘅一個「把酒論投資」座談會。
活動係由新城財經台主辦，嘉賓包括交易所前總裁、新昌集團董事總經理鄺其志、科大教授陳家強、專欄大作家曹仁超、長實董事趙國雄以及「才女」張瑪莉。
各嘉賓講嘅係宏觀經濟，但同酒都有關，例如曹SIR講飲酒性格與揀股嘅投資心態，鄺總則講酒莊經營之道、趙董事講分散投資心得等。不過，只有一百位喺某段時間幫襯滙豐買咗唔少投資產品、交易額最高嘅客戶先有資格出席。
傳真︰2623-9278
電郵︰