噚日中銀香港假總行七十樓舉行人民幣卡嘅發行儀式，由於係全港首創，行方自然隆重其事，更特別請來中國銀聯高層──執行副總裁劉永春為嘉賓，認真巴閉。大會喺中央布置了三部模擬跑車，待三位主禮人入座後，以人民幣卡為題嘅背景就徐徐升起，寓意業務蒸蒸日上。
賓卡賽車，形象唔夾，難怪坐喺模擬賽車內嘅中銀香港總裁和廣北同副總裁林炎南比較拘謹，大部份時間都乖乖靜坐，只係間中扭吓軚，估唔到最投入「賽事」者，竟然係外表沉實嘅銀聯劉副總裁，只見佢坐喺假車之內，忽然扭左忽然扭右，身體還配合掟彎姿勢向兩邊傾斜，引起場內起哄，劉副總裁自己亦露出愉快表情，果然真人不露相，誠「鍊車」高手也。
（圖）和廣北（左）同劉永春（右）坐喺模擬跑車度主持人民幣卡嘅發行儀式。 梁鑑章攝
傳真︰2623-9278
電郵︰