金管局總裁任志剛助理李永誠，呢份工做咗成三年，據聞最近另有新任務，原來佢老哥已調職銀行監理部，即助理總裁蔡耀君做「line長」嘅部門。呢個部門負責睇實銀行日常運作及監察風險，又要經常做現場審查，認真任重道遠，好彩Vincent兄（李之洋名）出名腳骨力好，今年環島行破晒紀錄，相信無懼艱巨挑戰。講開銀行監理部，記得去年中銀香港前老總劉金寶，突然人間蒸發，搞到YK蔡成隊人好頭痕。
接任總裁助理一職嘅，係曾任該局銀行監理處處長嘅劉應彬，Edmond劉年前借調財經事務及庫務局，出任助理秘書長（財經事務），𠵱家回巢做任總助手。
傳真︰2623-9278
電郵︰