對於周永恆涉嫌藏毒被捕，藝人大多感到詫異不已，但均認為年輕人容易犯錯，小春則直指要勇於認錯，並呼籲千萬別試毒品。
陳小春 ：人實有錯，呢件事唔知真定假，但真係做咗就要敢於承認，件事絕對唔啱，如果真係有做咪出嚟講句對唔住，同埋唔好玩自己，唔好向呢方面行。（有冇人向你兜售？）如果有人咁做我即刻call三條九。
余文樂 ：如果佢真係咁做就大件事，當然唔啱啦，但朋友一場希望佢冇事。我都試過有人誘惑我食，但我識控制自己。
許志安 ：話晒佢都重係細路仔，希望佢記住呢個人生經歷，以後做好啲。都試過有人叫我試毒品，我覺得偶然飲啖酒輕鬆吓就夠喇！
薛家燕 ：我識得周永恆嘅爺爺周吉，睇到報紙後好愕然，不過件事始終未搞清楚，希望佢冇事，但任何人都唔應該靠藥物減壓。