父女錢銀拗撬成就人生目標
林伯有樓收租放過林明珠

林百欣與女兒林明珠曾因上海芝大廈的金錢轇轕，鬧上公堂，致令父女決裂多時。昨日林伯接受羅霖訪問後表示官司已告一段落，林明珠將大廈內十四個單位送給他收租，雙方和解。

麗新集團主席林百欣昨日在長沙灣辦公室，接受羅霖主持的電台節目《羅林名人館》錄音訪問，林伯表示已有八、九年沒有見羅霖，大讚對方比當年任亞姐更年輕、靚女，並即時送上一本親筆簽名自傳給她。

「日日魚柳包」
林伯指自己的成功座右銘是「凡事靠自己、勤力」及「永不放棄」工作，他說：「我年中無休，日日工作，每日返工朝九晚七點半。幾十年前我做銀行會計，人工得三蚊，朝早九點返工，我六點起身，食碗白粥就去中山公園學寫毛筆字，到𠵱家我都係六點起身，做五十分鐘運動先返工，午餐日日魚柳包，好簡單。」
林伯又表示人生最大目標是買樓收租，提到曾借錢給女兒林明珠在上海衡山路建芝大廈，女兒不還錢，○一年雙方興訟致父女決裂，林伯昨日表示官司已解決，他說：「去過睇吓，唔錯，𠵱家執得幾好。官司呢，冇㗎喇，搞妥咗，佢分咗十四個單位畀我收租，近期租金都唔錯，算㗎喇，解決咗。」

潑兒子冷水
至於兒子林建岳近年殺入娛樂圈，投資多部電影，林伯說：「冇興趣，睇電影冇意思，睇書先可以學到嘢㗎，佢嘅戲我好少睇，寧願做嘢都唔會睇。」此外，羅霖表示當年任亞姐，伴住林伯為舞獅點睛，林伯每次都額外多封一封利是給她，而其夫劉坤銘昨日亦有到場支持。 採訪：JessicaNgan
攝影：ChanKwingWai