今年立法會選舉有新猷，政黨候選人可以將個黨徽印喺選票上。民主倒董力量成員「亞牛」曾健成畫咗張諷刺老董嘅漫畫，向選舉事務處申請當黨徽，點知當局早前回覆佢，話唔批個登記，因為根據有關條例，「淫褻、不雅或令人反感」嘅標誌，都會被拒申請。
亞牛覺得好無厘頭兼好唔服氣，質疑被政治審查，更打算向胡官上訴。諗深一層，唔通胡官另有深意，其實係指阿董副尊容，令人睇到就產生「淫褻、不雅」嘅感覺，或者「令人反感」，所以先會禁咗佢？胡官不愧跟過肥彭，學足英國佬隻陰濕，好嘢！
（圖）亞牛申請用呢個標誌用嚟印喺選票上被拒。
傳真︰2623-9278
電郵︰