銅鑼灣巧遇潮界經紀鬍鬚弟，佢計仔多多，形象潮爆，見客唔使着西裝，只頭戴冷帽，腳着短褲再踏對VansSK-8Hi，身後黑色大背囊就盡顯潮人之能事。鬍鬚弟原來剛上百德新街「阿貓地攤」舊址，探路睇吓潮男E間新舖開得未，佢話：「自從潮男E於中環同人公開動武後，娛樂雜誌就爆佢正準備搞樓上舖，要親自過日本攞貨，好多人誤會佢搞水貨舖，其實潮男E花咗成年時間同日本仔攞代理，將原宿啲牌子引入香港。即將開嘅專門店，聽講主力賣『完全正晒』（CompleteFinesse）。呢個牌子喺圈內唔算最紅，但亦未至於最霉，平時幾難搵到，因為產品較少。間舖都未裝修好，唔知幾時至掂？最心急莫過如潮男E頭馬『紅鞋B』，一年前佢已經四圍同人講佢老細準備食大茶飯，喺香港搞『猿猴嬰兒』、『至專』等專門店，雖然𠵱家只得『完全正晒』，但總好過冇。尤其連炮台山猿人都逃離香港後，香港潮界更需要多啲生力軍，我哋要話俾畀人知香港人係掂嘅！」不過，利時水貨界收到呢個消息後，紛紛舒口氣，因為呢個牌子對佢哋生意影響輕微，甚至係冇任何影響。
主持人：大食Jack
八卦熱報：