縮版相機唔係乜嘢新鮮事，自菲林機年代，已有廠商將名系列相機做縮版相機，當中尤以LEICA出得最多！最近德國老牌名機Rolleiflex2.8F，都俾人抄款做縮版相機「MiniDigi」，而且重要係數碼化㖭！
呢部MiniDigi跟真正相機可謂有成100%相似度，淨係佢個經典雙鏡設計，我諗已經迷倒一眾相機發燒友！機身相當小巧，只有49×73×45mm，真係重細過個煙盒，不過就內置有一枚200萬像素的感光元件，絕對唔嘢少！而且相片格式好抵死，竟然學足「中底菲林」呈方度！
內置LCD同擴充插槽位，都係同類Mini機中較罕見，1.1"屏幕亦同原機一樣，放在揭蓋式機頂，所以用家可以好玩嘢咁將相機放於平腰影相；記憶卡對應SD/MMC。預計下月底在日本見街，約港幣$2,600。
記者：朱崇德