喬老爺前日來港傳唔准普選嘅聖旨，又訓斥港人唔尊重《基本法》，講足個幾鐘，只安排三人上台表態，包括曾經喺第一屆特首小圈子選舉陪跑嘅吳光正，當時嘅所謂候選人重有李福善同楊鐵樑，前者噚日都在座做布景板，但就唔見睇到化嘅楊官。
楊官噚日擔任青協同港大搞嘅青年領袖教室講者，佢一去到現場，啲記者就問佢對北京決定嘅睇法，佢話唔講政治，但同現場近三百個中學生同大學生暢談做領袖應具備嘅道德情操時，除咗鬧打伊拉克嘅布殊同拉登一樣唔係人，重話香港人𠵱家同內地政府關係緊張，搞好港人同內地關係，係香港領導人嘅必須條件咁話。八方認為畫公仔唔使畫出腸，楊官咁講，咪即係話老董唔掂囉。
（圖）楊官（中）同三百學生談領袖應具備嘅道德情操。
傳真︰2623-9278
電郵︰