八方噚日循例打開聯交所網頁，赫然發現近排喺屋企、巴士以至小巴電視上都可以見到嘅前港交所行政總裁鄺其志，突然做左佐丹奴嘅獨立非執行董事，令到身為新昌國際董事總經理嘅鄺其志，又多樣嘢搞。
據佐丹奴噚日發出嘅通告話，佐記並唔會同鄺生訂立服務合約，鄺生每年只會支取約十三萬嘅董事酬金，雖然酬金同當年身為港交所揸fit人簡直「蚊髀同牛髀」，但都不失為一筆外快，「山大斬埋有柴」，都咪話唔和味。
不過佐記嘅文化係大時大節嘅時候，連集團主席都要落場sell客，八方都有從佐記主席劉國權手上接過貨品嘅經驗，當時在場嘅另一名董事則負責包貨品，若果冇記錯嗰次係喺尖沙嘴旗艦店。唔知非執董要唔要客串呢？
傳真︰2623-9278
電郵︰