小超人李澤鉅早前斟購加拿大航空，後來因工會反對而宣布拉倒，當地報紙《多倫多星報》噚日有篇文章分析李家營商策略，話李家向來以強硬手法對待對手，並點名指香港嘅《蘋果日報》同《南華早報》亦受影響，因為全港惟獨呢兩份報紙不尋常咁冇長實同和黃旗下公司嘅廣告。
《多倫多星報》引述《南早》一名不願透露姓名嘅經理稱，和黃對該報有關3G嘅負面報道好不滿，所以《南早》就冇咗好多廣告；《蘋果》情況亦差唔多，總經理MarkSimon對該報話，長實對《蘋果》同《壹週刊》有杯葛政策，連同長實有生意往來嘅供應商亦受壓冇喺《蘋果》落廣告。長實發言人向《多倫多星報》稱，落廣告主要考慮有關媒體的效力，冇所謂杯葛政策。你信唔信呢？
（圖）李超人嘅長實同和黃冇喺兩份報紙度落廣告，引起加拿大傳媒撰文分析。
傳真︰2623-9278
電郵︰