由曾志偉和劉德華投資的電影《江湖》前晚首映，志偉昨表示幾經周旋，《江》片仍遭內地禁映，但他否認是陳冠希的人獸交戲份惹禍，而是因題材太敏感，他還預計將損失一千三百萬收入。
曾志偉、劉德華、吳倩蓮、張學友、陳冠希（Edison）、余文樂、林苑和陳文媛（BoBo）等，前晚在銅鑼灣出席新片《江湖》首映。該片監製志偉近日為了《江》片能在內地解禁一事而周旋，不惜加插警察戲份，以淨化《江》片再送檢，但他昨獲回覆，《江》片仍遭禁映。對於有指是Edison的人獸交戲份惹禍，志偉否認：「禁映係同題材有關，唔關人獸交場戲事，因內地版本已經剪咗人獸交嗰場戲。」
志偉續說：「內地禁映，八百萬VCD版權同五百萬電影版權費冇晒，好似擲落大海咁，點會唔失望？當日我申請審批劇本時通過，但部戲上時就唔批。我問番審批劇本嘅負責人，佢竟然話都唔贊成審批劇本呢關，原來批劇本同睇戲係唔同人，出嚟變成咁就唔公平，我𠵱家千三萬冇晒，失晒預算。」志偉表示該片內地禁映，只會便宜翻版商。
而Edison表示其母知道他要拍人獸交戲份時，十分緊張是否要打真軍，Edison說：「媽咪問我係咪真做，我答佢唔通拍戲成日死，又真係死咗咩？」Edison的緋聞女友BoBo前晚亦有捧場，她說：「係志偉叫我嚟，我都睇晒Edison演嘅電影《無間道》，演員係要拍多啲戲先有發揮。」
另外，問學友擔不擔心新片的票房成績時，他卻推搪華仔才是真正的男主角，他說：「票房由華仔去擔，佢一向有良好紀錄，佢壓力應該大啲。」華仔對此說：「我嘅身份只係『藥引』，帶出部戲，余文樂同Edison先係男主角。」對於有報道指學友為《江》片補配音時發脾氣，他說：「我都唔記得咗句對白係乜，我嗰日𤷪𤺧，唔係發脾氣。」
採訪：陳梅香、魯萍
攝影：何國豪、林德雄、陳偉權
