早排五豐行因大陸生豬來價上漲，調高新鮮豬肉批發價，滿城怨聲載道，壓力之下，政府放風話會喺暑假開放內地冰鮮豬肉來港出售，生豬批發商怕兩者競爭，會影響到鮮豬肉銷路同價錢，但五豐行董事長陳樹林就另有一番見解。佢同八方講，香港人喜歡新鮮肉，相信中國人千幾年來嗜鮮習慣唔會改變，而且冰鮮豬肉進口市場如果開放，五豐行亦一樣可以做，所以此舉應該唔會對佢哋有重大影響咁話。
銷路冇影響，咁鮮豬肉價錢方面又點？陳樹林就話，消費者買名牌，都有好多種選擇，並隨即數出一串名牌名稱。佢認為不同消費者對不同牌子有不同偏好，且以「黃金價格總不能與白銀相同吧」為例。咁係唔係即係話佢嘅豬肉貴得有道理，企硬唔會減咁呢？
傳真︰2623-9278
電郵︰