人大常委會否決港人爭取直選嘅訴求，令到政府總部響起警號，啲政府高官一個個黃昏時間就即刻揸車走人，令到CGO好少見到裏面咁早就熄晒燈嘅場面。
原來負責CGO管理嘅行政署噚日發通告畀所有喺度返工嘅同事，話預期CGO附近呢幾日都會有公眾活動，可能引致交通改道，所以最好今日就早啲揸車走，而且未來幾日最好都唔好揸車返工㖭。
八方本來同緊一個慣晒7-11嘅勤力高官傾緊偈，但係呢位官員突然間中斷傾得好哋哋嘅話題，爆咗句對唔住，今日要走啦。
八方重以為唔通有人轉性，原來係CGO嘅應變措施先啱！
傳真︰2623-9278
電郵︰