【本報訊】天主教香港教區主教陳日君昨日舉行第三場研討會，解釋教區對校本管理條例草案的看法，席間有教育工作者指政府推銷有關草案時，只提法團校董會的權力，隻字不提校董將來要肩負的法律責任；亦有教師憂慮，教師加入法團校董會將衍生不少問題，導致校長與教師出現爭執。
「大家只係知道有權，唔知道更有嘅責，大家對事件究竟了解有幾深有幾闊？」明愛培立學校校長關女士表示，政府推出有關條例草案，作為校長的她感到很震撼，她提醒家長、教師及校友，新例下法團校董會需要負上法律責任。
立法會議員張文光接受本報查詢時表示，未來的法團校董會需要集體承擔法律責任，「啲家長呀、校友呀，可能喺唔了解法律嘅情況下違反法例，保險係未必包晒嘅。」他表示有關法律責任包括法律賠償，但現時草案未有清晰界定。
陳日君在會上亦解釋，保險未必會賠償全部費用，校董會隨時出現破產，「呢個係客觀存在嘅危機，唔係聽日就會發生，或者兩日之內發生，或者可能永遠都唔發生。」
聖安多尼學校一教師稱，教師加入校董會後，有權投票選校長，當選的校長與該教師的關係會相當含糊，「如果個先生教得唔好咁點先？我係校長係你上司梗係話你，但係我又係你選出嚟㗎喎，權責應該係點呢？」