前晚在廣州舉行的「第四屆華語電影傳媒大獎頒獎典禮」圓滿結束，「港台最受歡迎男演員」獎項得主分別是劉德華、梁朝偉和黃秋生。黃秋生親往領獎，他表示不渴望攞獎，搵錢最重要，最好每部戲票房收五、六千萬。
記者魯萍、何國豪廣州直擊
有中國奧斯卡之稱的「第四屆華語電影傳媒大獎頒獎典禮」前晚在廣州舉行，黃秋生和蔡卓妍（阿Sa）等親往領獎。劉德華憑電影《大隻佬》同時奪得「最佳男主角」和「港台最受歡迎男演員」獎，而張栢芝憑電影《忘不了》奪得「最佳女主角」和「港台最受歡迎女演員」獎，但二人因有工作在身無暇親往領獎。
大會前晚公布頒獎結果時，其中「港台最受歡迎男演員」獎項的三位得主是華仔、梁朝偉和黃秋生，但現場有工作人員一度表示偉仔的獎項是由主演電影《又又雄》的黎明得到，但擾攘後大會最終公布仍是由偉仔憑電影《地下鐵》得獎，而黎明則食白果。
秋生落敗「最佳男配角」獎，卻獲頒「港台最受歡迎男演員」獎，秋生說：「輸咗男配角獎，我唔失望。」秋生將會跟李心潔合作拍攝陳嘉上新片，但卻被取笑是「美女與野獸」組合，他說：「乜我個樣似野獸咩？我哋喺戲度有親熱戲份，我覺得佢好聰明、靚女同後生。」
秋生今年在電影上取得的獎項不多，他說：「我唔恨攞獎，我又唔係藝術家，冇獎攞咪攞現金，最緊要搵到錢，最好每部戲收五、六千萬，我直情整個獎畀自己。六月我要去日本為新片《頭文字D》接受賽車訓練。」
此外，獲「港台最受歡迎女演員」獎的阿Sa說：「之前拍電影《千機變II花都大戰》吊威吔戲，俾條威吔彈傷右眼眼皮，當時好痛，應驗相士話我四月有血光之災。我日前又困𨋢，嚟廣州又遇到保母車爆胎。」阿Sa又表示第一部戲得馬偉豪提攜，所以日後會優先拍他的電影。
